ബെംഗളൂരു: ഐ.പി.എൽ കലാശപ്പോരാട്ടത്തിൽ റോയൽ ചലഞ്ചേഴ്സ് ബെംഗളൂരു (ആർ.സി.ബി) മത്സരിക്കുന്ന ഈ ഞായറാഴ്ച നഗരവാസികൾക്കായി നമ്മ മെട്രോയിൽ സൗജന്യ യാത്രാ സൗകര്യം പ്രഖ്യാപിച്ചു.
ഐ.പി.എൽ ഫൈനലിനോടനുബന്ധിച്ച് ക്രിക്കറ്റ് ആരാധകർക്ക് പ്രോത്സാഹനമേകുന്നതിനായാണ് മെട്രോയുടെ എല്ലാ ലൈനുകളിലും ഈ പ്രത്യേക ഓഫർ ഏർപ്പെടുത്തിയിരിക്കുന്നത്.
മെട്രോ യാത്രക്കാർക്ക് ‘കൺഫേം ടിക്കറ്റ്’ (ConfirmTkt) ആപ്പ് വഴി നേരിട്ട് ഈ സൗജന്യ യാത്ര ബുക്ക് ചെയ്യാവുന്നതാണ്. പരമാവധി 100 രൂപ വരെയുള്ള രണ്ട് യാത്രകളാണ് ഒരു വ്യക്തിക്ക് ഇത്തരത്തിൽ സൗജന്യമായി ലഭിക്കുക.
ഫൈനൽ മത്സരത്തിന്റെ ആവേശം നഗരത്തിൽ നിറഞ്ഞുനിൽക്കുന്ന പശ്ചാത്തലത്തിൽ, ആരാധകർക്ക് ഗതാഗതക്കുരുക്കില്ലാതെ സുരക്ഷിതമായി യാത്ര ചെയ്യുന്നതിനാണ് നമ്മ മെട്രോ ഈ ആനുകൂല്യം ഒരുക്കിയിരിക്കുന്നത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
